Atyraýda brakonerler tiqushaqtyń kómegimen ustaldy

ATYRAÝ. QazAqparat – Atyraý oblysynda Kaspıı teńizinde áýeden baqylaý júrgizgen polıtseıler brakonerlerdi qolǵa túsirdi, dep habarlaıdy QazAqparat tilshisi.

«Atyraýlyq polıtseıler balyq qorǵaý qyzmetkerlerimen birlesip tikushaq arqyly Kaspıı teńiziniń jaǵalaýyn barlaı ushqan kezinde muz ústinde turǵan mototsıklderdi kórgen. Olar balyq aýlaýǵa tyıym salynǵan aýmaqta bolǵan. Mototsıklderdiń qaı jerde turǵany polıtseılerge habarlanǵan. Dabyl jetken saqshylar Kaspıı teńiziniń soltústik bóligindegi Kamennyı jarty aralyna shuǵyl atttanǵan. Arada kóp ýaqyt ótpeı, qala mańyndaǵy kentterdiń biriniń úsh turǵyny ustaldy.

Mototsıklder qalaǵa jetkizilip, aıyp turaǵyna qoıyldy»,- dep habarlady aımaqtyq PD baspasóz qyzmeti.

Ustalǵandar ákimshilik jazaǵa tartyldy.

Avtor:

A. Sokolov