Atyraýda bloger turǵyndardyń ákimdik aldyna jınalýyna sebepker bolǵan
«23 sáýirde saǵat 18:00 shamasynda 24 jastaǵy bloger Instagram-da jeli qoldanýshylaryna 50 myń teńgeni oblystyq ákimdik ǵımaratynyń aldynda turǵan shyrshalardyń birine jasyrǵanyn habarlaǵan. Jasyrylǵan aqsha ony birinshi taýyp alǵan adamǵa beriletinin jazǵan. Osyǵan baılanysty qala turǵyndary oblystyq ákimdik ǵımaratynyń aldyna jınalyp, karantın tártibin buzǵan», - dep habarlady oblystyq polıtsııa departamentiniń baspasóz qyzmeti.
Polıtsııa qyzmetkerleri 24 jastaǵy blogerdi anyqtap, karantın tártibin buzǵany úshin
túsinikteme alǵan. Blogerge qatysty is-qujattar Atyraý qalalyq sanıtarııalyq-epıdemıologııalyq basqarmasyna joldandy.
Sondaı-aq, blogerdiń avtokólikte qaýipsizdik beldigin taqpaǵandyǵy anyqtalǵan. Oǵan qatysty QR Ákimshilik quqyqbuzýshylyq týraly Kodeksiniń 615-babynyń 1-bóligimen (Jaıaý júrginshilerdiń jáne jol júrisine ózge de qatysýshylardyń jol júrisi qaǵıdalarynyń talaptaryn oryndamaýy) ákimshilik hattama toltyrylyp, 2 AEK kóleminde aıyppul salyndy.
Eske sala ketelik, buǵan deıin alaıaq Atyraý turǵyndaryna jer alyp berýge ýáde etkenin habarlaǵan edik.