Atyraýda bıyl 25 adam sýǵa ketken
13:21, 15 Shilde 2020
ATYRAÝ. QazAqparat – Atyraý oblysynda jyl basynan beri 25 adam sýǵa ketken. Onyń ishinde 3 bala bar, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetine qaraǵanda, 25 adam sý aıdyndarynyń qurbany bolǵan.
«Bıylǵy jyl basynan beri 25 adam sýǵa ketti. Onyń ishinde kámeletke tolmaǵan 3 bala bar. Al, maýsym aıynan beri 14 adamnyń Jaıyq, Jem, Oıyl ózenderi men Qamyskól kóline batqany anyqtaldy. Qurban bolǵandardyń bári sý aıdyndarynyń arnaıy jabdyqtalmaǵan jerinde shomylyp, qaýipsizdik sharalaryn saqtamaýynan qaıǵyly jaǵdaıǵa ushyrady», - dep habarlady departamenttiń baspasóz qyzmetinen.
Sondaı 11 jáne 12 shildede Jaıyq ózenine shomylǵan 25 jastaǵy jigit pen 41 jastaǵy áıel batyp ketken.
Eske sala ketelik, buǵan deıin Atyraýda 25 jastaǵy jigittiń sýǵa ketkenin habarlaǵan bolatynbyz.