Atyraýda bir kúnde eki júkti áıel aýrýhanada qaıtys boldy
Bul týraly oblystyq densaýlyq saqtaý basqarmasynyń basshysy Ashan Baıdýálıev arnaıy ótkizilgen málim etti.
«Atyraý oblysynda 12 qazanda eki ana ólimi tirkeldi. Onyń biri – Atyraý oblystyq aýrýhanasynda, ekinshisi – Maqat aýdanynda. Búkil reanımatsııalyq is-sharaǵa qaramastan dárigerler júkti áıelderdi qutqaryp qala almady», - dedi Ashan Baıdýáalıev.
Oblystyq densaýlyq saqtaý basqarmasy basshysynyń orynbasary Janar Sadýovanyń aıtýynsha, kóz jumǵan júkti áıeldiń biri – 33, ekinshisi – 34 jasta.
Ekeýiniń de artynda balalary qaldy. Ekeýi de Maqat aýdanynyń turǵyndary bolǵan.
«Eki ólim de júkti áıelderdiń densaýlyǵy nasharlaýynan bolǵan. Júkti áıelderdiń óliminiń boljamdy sebebi retinde septıkalyq shok, vırýstyq-bakterııalyq genezıs, septıkalyq pnevmonııa bolýy múmkin ekeni qarastyrylyp otyr. Túpkilikti sebepter qyzmettik tekserý, patologııa-anatomııalyq aýtopsııa nátıjesinen keıin naqtylanady», -dedi Janar Sadýova.
Basqarma basshysynyń deregine súıensek, byltyr Atyraý oblysynda 20 júkti áıel kóz jumǵan. Onyń ishinde 16 áıel koronavırýs ınfektsııasynan qaıtys bolǵan.
Al, bıylǵy 9 aıda 2 ana ólimi tirkelgen. Al, 1 qazanda bir, 12 qazanda eki júkti áıel qaıtys bolǵany tirkelip otyr.
Eske sala ketelik, buǵan deıin Atyraý aýrýhanasynda túsik tastaǵan áıel qaıtys bolǵanyn jazǵan edik.