Atyraýda bıiktigi 91 metrlik týtuǵyr ornatyldy
Saltanatty rásimge oblys ákimi Mahambet Dosmuhambetov qatysty.
«Búgin mine, qalamyzǵa ár beretin aıshyqty nysandar qatary aıbyndy týtuǵyr alańymen
tolyqty. Kók baıraǵymyz kókpen ushtasty. Óz dáýirinde dańqty babalarymyz bórili
baıraq ustap, baǵanaly orda qurǵan. Sondyqtan, tý biz úshin – qanymyzda qaınaǵan namys, rýhty kóteretin qudiret. Atamekenimizdiń tórine alyp tý tigý – biz úshin asqan abyroı, zor mártebe. Qalamyzdyń kórkin ashqan baıraǵymyz óńirimizdiń aıbynyn asqaqtata túserine senemin»,- dedi Atyraý oblysynyń ákimi Mahambet Dosmuhambetov.
Týtuǵyrdyń bıiktigi – 91 metr. Alyp týdy únemi kórinip turýy úshin qolmen nemese
elektr jetegimen kóteretin kóp qyrly bolattan jasalǵan dóńgelek konýstyq tiregi bar.
Uzyndyǵy 80 metrlik týtúǵyr kompozıtsııasy sýburqaq pen doǵa pishindi kompozıtsııadan turady. Kompozıtsııanyń orta tusynda qoladan jasalǵan Qazaqstan Respýblıkasynyń kartasy, joǵary jaǵynda Eltańba, al shetki bólikterinde Ánuran
jazylǵan. Konýs pishindi týtuǵyrǵa kólemi 29h14,5 metr bolatyn Tý ilindi. Endi elimizdiń
memlekettik rámizderi ornalasqan alańda mańyzdy saltanatty sharalar ótetin bolady.
«Kompanııanyń myqtylyq, molshylyq pen beıbitshilik, sondaı-aq 2021 jyldyń
jaqsylyǵy kóp bolsyn dep tileımin. Osynaý eńseli týtýǵyr udaıy bıikte jelbirep
tursyn»,- dedi «Teńizshevroıl» JShS bas dırektory Imer Bonner.
Atalǵan týtuǵyr qurylysy «Teńizshevroıl» JShS demeýshiligimen «Igilik» baǵdarlamasy
aıasynda júzege asqan.
«Eń aldymen sapany baqylaý sharalary kúsheıtildi. Jańartylǵan týtuǵyrdy shetelden kelgen birneshe maman qaıta tekserip shyqty. Sondaı-aq AQSh ınjenerleri tuǵyrdyń kompıýterlik modelin jasap, óńirdiń aýa-raıyna, atmosfera men jeldiń jyldamdyǵyna qatysty tózimdiligin synap kórdi. Tehnıkalyq qyzmet kórsetýdiń eń qaýipsiz nusqaýlaryn anyqtady», - dedi «Kastador» JShS-niń joba menedjeri Edvard Il.
Týtuǵyr aınalasyndaǵy 6500 sharshy metrge jasyl gúlzarlar, 8500 butaly kóshetter, 44
qylqan japyraqty jáne 70 japyraqty kóshet egiledi. Monýmentke irgeles aýmaq raýshan gúlimen bezendiriledi. Jasyl jelekterdi sýarý úshin datchıktermen jabdyqtalǵan avtomattandyrylǵan júıe qoldanylady. Bul mıllılıtr dáldigimen ósimdikterge qajetti sý mólsherin anyqtap, ony tikeleı kóshetterdiń tamyryna jetkizedi.