Atyraýda betperde kımegen jolaýshylar qoǵamdyq kólikke kirgizilmeıdi
Atyraý oblysynyń bas memlekettik sanıtarııa dárigeri Mádenıet Tanaýovtyń jańa qaýlysyna sáıkes, jeksenbide qoǵamdyq kólikterdiń qozǵalysyna tyıym salynyp otyr.
Erteń, 17 sáýirde saǵat 00:00-den bastap zańdy kúshine enetin jańa qaýlyǵa sáıkes, qaladaǵy qoǵamdyq kólik qozǵalysyna jumys kúnderi jáne senbide shtattyq kestemen ruqsat berilip otyr. Al, jeksenbide qoǵamdyq kólikter qozǵalysyna tyıym salynǵan.
«Qarbalas kezde qoǵamdyq kólik jelide maksımaldy shyǵýy kerek, qoǵamdyq kóliktiń toltyrylýy otyrǵyzý oryndary boıynsha bolýy tıis. Kólik barlyq esigin ashýy kerek, jolaýshylarǵa qoljetimdi jerlerge antıseptık quıylǵan sanıtaızer ornatylýy, betperde kımegen jolaýshylardy kirgizilmeýi tıis», - delingen qaýlyda.
Eske sala ketelik, budan buryn Atyraýda sabaqty offlaın ótkizýge tyıym salynǵanyn habarlaǵan edik.