Atyraýda bazarlar men saýda úıleri shtattyq rejımde jumys isteıdi

ATYRAÝ. QazAqparat – Atyraýda bazarlar men saýda úıleri shtattyq rejımde jumys isteıdi, dep habarlaıdy QazAqparat.

Budan buryn oblystyń bas sanıtar dárigeri Mádenıet Tanaýovtyń jańa qaýlysymen Atyraýda bir synypta 25 oqýshynyń sabaqqa qatysýyna ruqsat berilgenin habarlaǵan edik.

«Kúsheıtilgen sanıtarııalyq-dezınfektsııalyq rejımdi, betperde kııý rejımin, qatań túrde áleýmettik qashyqtyqty saqtaı otyryp, toltyrylýyn obekt syıymdylyǵynyń 30%-nan asyrmaı, 1 kelýshige 4 sharshy metrden kem emes, ashyq jáne jabyq azyq-túlik jáne azyq-túlik emes bazarlardyń shtattyq rejımde jumys isteýine ruqsat etilsin» -delingen qujatta.

Sondaı-aq, jańa qaýlyǵa sáıkes, dál osyndaı talappen saýda úıleri men ortalyqtarynyń (pavılondar, býtıkter), saýda jelileriniń jumys isteýine ruqsat berilip otyr.

Jańa qaýly 9 naýryzda saǵat 00:00-den bastap zańdy kúshine enedi.