Atyraýda Batys Qazaqstan oblysynyń kúnderi ótýde
Aldymen Atyraý oblysy ákimdiginde eki óńir delegatsııalary kezdesip, kásipkerlikti damytý, aımaqaralyq yntymaqtastyqty nyǵaıtý máselelerin talqylady.
Batysqazaqstandyq delegatsııany jyly shyraıda qarsy alǵan Atyraý oblysynyń ákimi Nurlan Noǵaev óńirdiń áleýmettik-ekonomıkalyq damýy, óndiristik áleýetimen tanystyrdy.
Batys Qazaqstan oblysynyń ákimi Altaı Kólginov ejelden bir-birimen aralas kórshiles óńirler arasyndaǵy ózara tıimdi baılanysty odan ári nyǵaıtyp, el ekonomıkasyn damytýda birlese kúsh-jiger jumsaýdyń mańyzy zor ekendigin atap ótti.
Eki oblystyń kásipkerleri de sóz alyp, is-tájirıbelerimen bólisip, ózekti máselelerge toqtaldy.
Jıyn sońynda qos oblys basshylary óńiraralyq yntymaqtastyqty damytý jónindegi memorandýmǵa qol qoıdy. Oǵan qosa Atyraý men Batys Qazaqstan oblystary birqatar kásiporyndarynyń basshylary men kásipkerler de eki jaqty memorandým jasasty.
Batysqazaqstandyq delegatsııa sapar barysynda Atyraý oblysynyń ónim óndiretin jáne óńdeıtin kásiporyndarynda bolmaqshy. Sondaı-aq kúnder aıasynda Batys Qazaqstan oblysynyń óner sheberleri kontsert qoıady.
Budan keıin osyndaı sapar Mańǵystaý oblysynda jalǵasady.