Atyraýda balyq aýlaýǵa shyǵyp, habar-osharsyz ketken jigittiń denesi tabyldy

ATYRAÝ. QazAqparat - Atyraý oblysy polıtsııasy 10 qyrkúıek kúni dostarymen birge balyq aýlaýǵa ketip, sodan beri ushty-kúıli joǵalǵan jigittiń denesin tapty, dep habarlaıdy QazAqparat polıtsııaǵa silteme jasap.

1987 jyly týǵan Erbol Qusaıynovtyń óli denesi búgin tańǵy 9:30 shamasynda Jaıyq ózeninen, balyq aýlady degen jerden 50 metr qashyqtyqtan tabyldy.

Aldyn ala boljam boıynsha, joǵalǵan er adam sýǵa batyp ketken. Múrdege sot-medıtsınalyq saraptama taǵaıyndaldy, tergeý amaldary júrgizilip jatyr.

Eske sala keteıik, biz keshe 36 jastaǵy jigittiń iz-túzsiz ketkenin habarlaǵan edik. .

«Joǵalǵan jigittiń aty-jóni – Erbol Qusaıynov. Týystarynyń aıtýynsha, ol 10 qyrkúıek kúni dostarymen birge balyq aýlaýǵa ketip, úıine qaıtyp oralmaǵan. Ony izdestirý jumysy búgin úshinshi kún qatarynan jalǵasyp jatyr. Іzdeý jumysyna Atyraý oblysy polıtsııa jáne tótenshe jaǵdaılar departamentteriniń qyzmetkerleri, Ulttyq ulannyń 80 sarbazy tartyldy», - dep habarlady departamenttiń baspasóz qyzmeti.