Atyraýda balalar men júkti áıelderge Rfizer vaktsınasyn salý bastaldy
Óńirlik kommýnıkatsııalar qyzmetiniń málimetine súıensek, búgin, 20 qarashada Rfizer vaktsınasyn Atyraý qalasyndaǵy F.Dosymova atyndaǵy №12 orta mekteptiń 10 jáne 11-synybynda oqıtyn 6 oqýshy saldyrǵan. Vaktsına alǵan oqýshylarmen Atyraý oblysy ákiminiń orynbasary Baqytgúl Hamenova kezdesti.
«Elimizdiń barlyq óńirinde balalarǵa, júkti áıelder men bala emizetin analarǵa Pfizer vaktsınasy salynyp jatyr. Keshe Atyraý oblysyna atalǵan vaktsınanyń 32 760 dozasy jetkizilgen edi. Búgin mine, mektep oqýshylary men júkti jáne bala emizetin áıelder ektire bastaldy. Elimizde de, óńirde de vaktsınanyń alýdyń nátıjesinde ujymdyq ımmýnıtet qalyptasyp, ınfektsııa juqtyrǵan naýqastardyń sany azaıyp keledi», - dedi Baqytgúl Hamenova.
Atyraý qalalyq ákimdigine qarasty Geolog eldi mekenindegi emhanada 12 adam Pfizer vaktsınasyn aldy. Solardyń qatarynda bıologııa pániniń muǵalimi Olga Petrovanyń nemeresi de bar.
«Bıylǵy 1 aqpanda turǵyndardy jappaı vaktsınalaý bastalǵanda, ózim alǵashqylardyń qatarynda ekpe alǵan edim. Endi mine, búgin nemeremdi vaktsına saldyrýǵa arnaıy ertip keldim. Bıologııa pániniń muǵalimi retinde koronavırýs ınfektsııasynyń taralýyn vaktsına saldyrý arqyly ǵana tejeýge bolatynyn jaqsy bilemin. Sondyqtan, turǵyndar vaktsına alýdyń mańyzyn balalaryna da túsindirse eken» -deıdi Olga Petrova.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, óńirde Rfizer vaktsınasyn alatyn 12 men 18 jas aralyǵyndaǵy balalar sany 63 138 adamdy quraıdy. Al, bala emizetin jáne júkti áıelder sany – 35 362. Onyń ishinde 70 paıyzynda, 76 myń adamda koronavırýs ınfektsııasyna qarsy ekpe alýǵa qarsy kórsetilim joq.
Eske sala ketelik, budan buryn Atyraý oblysyna Rfizer vaktsınasynyń 32 760 dozasy jetkizilgen bolatyn.