Atyraýda Baqytgúl Hamenovanyń soty keıinge qaldyryldy
Oblystyq sottyń baspasóz qyzmeti habarlaǵandaı, Atyraý oblysy ákiminiń eks-orynbasary Baqytgúl Hamenovanyń isi boıynsha 3 qazanǵa belgilengen sot otyrysy 13 qazanǵa qaldy.
Taraptar pikirtalasyn jalǵastyrý josparlanǵan sot otyrysy №2 qalalyq sotta ótýi tıis bolatyn. Sot otyrysy sotqa tóraǵalyq etýshi sýdıa Jumaǵalı Táshimovtiń naýqastanyp qalýyna baılanysty keıinge shegerildi.
Eske salsaq, bıylǵy 26 mamyrda Atyraý qalasynyń №2 sotyna QR Qylmystyq kodeksi 366-babynyń 3-bóligi 2-tarmaǵymen Atyraý oblysy ákiminiń orynbasary Baqytgúl Hamenovaǵa, Atyraý oblysy Mádenıet, tilderdi damytý jáne arhıv isi basqarmasynyń basshysy Aqylbek Rysqalıevke, QR Qylmystyq kodesi 367-babynyń 2-bóligimen «B» JShS dırektoryna qatysty qylmystyq is tústi.
14 maýsymǵa belgilengen sot protsesi birneshe ret keıinge qaldyrylyp, 11 tamyzda bastaldy .
Baqytgúl Hamenova sotta ózine taǵylǵan aıypty moıyndaǵan joq.
Buǵan deıin, ıaǵnı 3 tamyzda aıyptalýshy oblys ákiminiń orynbasary laýazymynan bosatylǵan .
Sot otyrysy 6 qyrkúıekte qaıta jalǵasty .
Baqytgúl Hamenova sot otyrysynda jibergen qateligi týraly aıtty.
Sondaı-aq, Antıkor Hamenovaǵa qatysty málimdeme jasady .