Atyraýda «Babalar izimen» halyqaralyq jobasy júzege asyrylmaq

 ATYRAÝ. QazAqparat - Atyraýda «Babalar izimen» halyqaralyq jobasyn júzege asyrý josparlanýda.  Atalǵan bastama Elbasynyń «Bolashaqqa baǵdar: rýxanı jańǵyrý» maqalasynyń «Týǵan jer» baǵyty boıynsha júzege asady, dep habarlaıdy QazAqparat tilshisi.

Patrıottyq avto-motosherý bastamasyn «Wheels Brothers MC Atyrau» motoklýbynyń prezıdenti Oleg Shmal 23 tamyz kúni Elbasynyń Atyraý oblysyna qyzmettik issapary barysyndaǵy kezdesý kezinde málimdedi.

Joba maqsaty  táýelsiz Qazaqstannyń rýhanı baılyǵy, qazirgi zamanǵy damýy men mádenı-etnıkalyq birligin nasıhattaý.

«Biz jańa Jibek jolynyń Qytaıdan Batys Eýropaǵa deıin, Sary teńizden Soltústik teńizge deıingi eń uzaq baǵytyn qamtýdy josparlap otyrmyz. Jolymyz 12 myń shaqyrymdy quraıdy. Árıne, aýqymdylyǵy qarajatqa baılanysty, sondyqtan seriktestik pen demeýshilikten bas tartpaımyz. Bul avto-motosherý  odaqqa múshe elder arasynda alǵash ret ótkiziledi. Sondyqtan, biz qatysýshylar jınap, kólikti jabdyqtap, biz tyńǵylyqty daıyndalǵymyz keledi. Tek, bul jobamyz kelesi jyly júzege asady. Naqty ýaqytyn qazir aıta almaımyn. Qatysýshylarǵa qoıylatyn talaptarǵa keletin bolsaq, olar: fızıkalyq turǵydan kúshti bolý, ekstremaldy mototýrızmge degen qyzyǵýshylyq, óz elin súıý jáne ol týraly jaqsy bilý jáne tolyq baılanys úshin kem degende bir shet tilin bilý jetkilikti»,deıdi  Oleg Shmal.