Atyraýda azyq-túlik satatyn bazarlar ýaqytsha jabylady

ATYRAÝ. QazAqparat –Atyraýda azyq-túlik satatyn bazarlar ýaqytsha jabylady, dep habarlaıdy QazAqparat.

Búgin Atyraýda karantın merziminiń 1 mamyrǵa deıin uzartylýyna baılanysty shekteý sharalary kúsheıtildi.

«Bólshektep satýmen aınalysatyn dúkenderdi azyq-túlik taýarlarymen kóterme kúıde qamtamasyz etetin saýda obektilerin qospaǵanda jármeńke, azyq-túlik satatyn bazarlardyń jáne adamdar jappaı shoǵyrlanatyn taǵy basqa obektilerdiń jumysyn toqtatylsyn», -delingen Atyraý oblysynyń bas memlekettik sanıtarlyq dárigeri Temirbek Musaǵalıevtyń qaýlysynda.

Al mal bazarlary men mal soıý tsehtarynyń jumysyna «klıentke deıin jetkizý» prıntsıpi boıynsha saǵat 09:00-den 20:00-ge deıin ruqsat berilgen.