Atyraýda áıelder kolonııasy jańa kitaptarmen tolyqty

ASTANA. QazAqparat - Atyraýda «Rýhanı jańǵyrý» baǵdarlamasy aıasynda bastaý alǵan «Qadirli syılyq» aktsııasy qylmystyq atqarý departamentine qarasty áıelder kolonııasynda jalǵasty.

Aktsııanyń maqsaty - bas bostandyǵynan aırylǵan azamattardy áleýmettik qoldaý, mekeme kitaphanasynyń qoryn tolyqtyrý.
 

Shara barysynda Ǵ. Slanov atyndaǵy ámbebap kitaphana ujymy  túrli janrdaǵy 500-den astam  kitapty túzetý mekemisine syıǵa tartty.Jazasyn óteýshilerdiń arasyndaǵy ádebıetke qushtar jandar buǵan óz rızashylyqtaryn bildirdi.


Túzetý mekemesinde barlyǵy 6700-den astam kitap qory bar.

Aıta keteıik, búginde kolonııada 200-den astam áıel jazasyn óteýde. Sonymen qatar, aldaǵy ýaqytta olarǵa aǵylshyn tilin jáne kompıýter úıretý kýrstaryn ótkizý josparlanýda.