Atyraýda áıel balasymen birge Jaıyqqa sekirip sýıtsıd jasamaq boldy
Oqıǵa 24 shilde túngi saǵat 00:30 shamasynda bolǵan. Ulttyq ulan jaýyngerleri Dmıtrıı Kovalenko men Nurseıit Qusaıynov top jetekshisi, kishi serjant Ergen Nurǵalıevpen birge qoǵamdyq tártip kúzetinde júrgen. Olar qarańǵyda ortalyq kópirde turǵan áıel men balanyń sulbasyn baıqap qalady.
Sarbazdar bir sátke de oılanbastan kópirge tura júgirdi. Sondaı-aq bul jaǵdaı týraly áskerı jasaqqa habarlap, polıtsııanyń kezekshi ekıpajyn shaqyrǵan.
Kishi serjant Ergen Nurǵalıevtiń batyl ári ábjil áreketiniń arqasynda áıel kópirge sekirý týraly oıynan aınyp, aqylǵa keldi. Olar áıeldi balasymen birge qaýipsiz jerge apardy.
Quqyq qorǵaý organdary qyzmetkerleri kelip jetkenshe sarbazdar ony sabyrǵa shaqyryp, tynyshtandyrýǵa tyrysty.
Keıin belgili bolǵandaı, áıel Jaıyq ózenine sekirip, sýıtsıd jasamaq bolǵan. Munyń aldynda onyń úıinde otbasylyq janjal bolǵan, sodan keıin áıel osyndaı asyǵys sheshim qabyldaǵan.