Atyraýda avtokólik muz astyna túsip ketti

ATYRAÝ. QazAqparat – Atyraýda jeke ıeliktegi kólik muz astyna túsip ketken, dep habarlaıdy QazAqparat tilshisi.

«Toıota Haılıýks» kóliginiń Jaıyq ózeninde qatqan muz astyna túsip ketkeni týraly aqparat áleýmettik jelide tarady.

Oblystyq tótenshe jaǵdaılar departamentiniń qoǵammen baılanys tobynan málim etkendeı, oqıǵa 7 jeltoqsanda bolǵan. Oqıǵa ornyna shaqyrtý saǵat 13:10-da túsken.

Atyraý qalasyna taıaý ornalasqan Damba aýyldyq okrýgine qarasty Peshnoı ýchaskesi tusynda Jaıyq ózeninde muz oıylyp, avtokólik túsip ketkeni anyqtalǵan. Avtokólik ózen jaǵasynan 15 metr qashyqtyqtan tabylǵan.

«Jedel-qutqarý jasaǵynyń súńgýirleri súımenmen muzdy oıyp, avtokóliktiń artqy dóńgelegine arqan baılap, jaǵaǵa shyǵardy. Muz astyndaǵy kólikti shyǵarý jumystaryna jedel qutqarý jasaǵynyń 6 qyzmetkeri men 1 tehnıkasy jumyldyryldy», - dep habarlaly qoǵammen baılanys toby.

Kóliktiń salonynda eshkim bolmaǵan.

«Juqa muz ústine shyǵýǵa, toppen jınalýǵa, jyrmalarǵa, jaryqtarǵa, oıyqtarǵa jaqyndaýǵa, avtokóliktermen arnaıy jasaqtalǵan ótkelderden tys jerge, ıaǵnı sý aıdyndaryna barýǵa bolmaıdy», - dep málim etti qoǵammen baılanys tobynan.

Vıdeodan alynǵan kadr