Atyraýda aýada kúkirtsýtegi kórsetkishi birneshe ese ósken
Osy sebepti Atyraý oblysy boıynsha ekologııa departamenti men «Qazgıdromet» RMK AF tarapynan usynylǵan aýa sapasyn baqylaý stantsııalarynyń málimetterine taldaý júrgizilip, nátıjesinde kelesiler belgili boldy.
Joǵaryda kórsetilgen ýaqytta qalanyń atmosferalyq aýasynda QR Densaýlyq saqtaý mınıstriniń 2022 jylǵy 2 tamyzdaǵy №QR DSM-70 buıryǵymen bekitilgen «Qalalyq jáne aýyldyq eldi mekenderdegi, ónerkásiptik uıymdar aýmaqtaryndaǵy atmosferalyq aýanyń gıgıenalyq normatıvteri» qujatyndaǵy ruqsat etilgen shekti shoǵyrlanýdan (PDK) kúkirtsýtegi kórsetkishiniń birneshe ese ósý deregi anyqtaldy, ıaǵnı osy gıgıenalyq normatıvterdi buzýshylyq oryn alǵan.
Atap aıtqanda, №109 «Vostok» stantsııasynda 5,3 ese, №103 «Shaǵala» stantsııasynda 5 ese, №112 «Akımat» stantsııasynda 3,2 ese, №114 «Zagorodnaıa» stantsııasynda 3,9 ese jáne №108 «TKA» stantsııasynda 9,23 ese ósken.
Taldaý kórsetkendeı, sol mezgilde jeldiń baǵyty ońtústik-shyǵys, jyldymdyǵy 4 m/s, ylǵaldylyq 760, aýa temperatýrasy 320S quraǵany jáne bul baǵytta «Atyraý munaı óńdeý zaýyty» JShS-niń obektileri ornalasqany belgili boldy.
Óz kezeginde, Departament «Atyraý munaı óńdeý zaýyty» JShS qatysty jospardan tys tekserý júrgizýde jáne nátıjesi boıynsha anyqtalǵan ekologııalyq buzýshylyqtar boıynsha tıisti sharalar qabyldanady.
«Budan bólek, joǵaryda kórsetilgen gıgıenalyq normatıvterdi buzýshylyq deregi boıynsha «Atyraý munaı óńdeý zaýyty» JShS-in ákimshilik jaýapqa tartý úshin Atyraý oblysynyń sanıtarııalyq-epıdemıologııalyq baqylaý departamentine qujattar joldandy»,-delingen habarlamada.