Atyraýda áskerı polıgonnan qaıtarylǵan jer jergilikti sharýalarǵa berilýi múmkin
03:55, 17 Naýryz 2020
ATYRAÝ. QazAqparat –Atyraý oblysynda burynǵy áskerı polıgonnyń 624 myń gektar jeri qaıtaryldy, dep habarlaıdy QazAqparat.
Bul týraly oblystyq tabıǵı resýrstar jáne tabıǵat paıdalanýdy retteý basqarmasynyń basshysy Qadyrjan Arystan málim etti.
«Taısoıǵan áskerı polıgonynyń jeri Qazaqstan ıeligine qaıtarylǵannan bergi 2 jyl ishinde topyraq pen sýdaǵy zııandy zattarǵa zertteý júrgizildi. Zertteý qorytyndysynda 624 myń gektar jer kólemi ekologııalyq turǵydan taza, ári aýyl sharýashylyǵy salasyna paıdalanýǵa jaramdy ekeni belgili boldy» -dedi Qadyrjan Arystan.
Onyń aıtýynsha, zertteý qorytyndysy jergilikti ákimdikke berildi. Endi bul jerdi aýyl sharýashylyǵy maqsatynda ıgerý úshin jergilikti sharýalarǵa berýge bolady.