Atyraýda arhıv qujattary qoqysqa tastalǵan
Oblystyq polıtsııa departamenti baspasóz qyzmetiniń málimetinshe, keshe,13 qańtarda qurylys qaldyqtarynyń arasynan jeke kýálik, tólqujat, azamattardyń ótinishteri, tólem qujattary, tabysy týraly anyqtamalar sekildi qujattar tabylǵan.
«Polıtsııa qyzmetkerleri atalǵan derekke qatysty tekserý júrgizdi. Tekserý kezinde qoqystan barlyq tabylǵan qujat «Azamattarǵa arnalǵan úkimet memlekettik korporatsııasynyń «Azamattarǵa arnalǵan úkimet» memlekettik korporatsııasy» kommertsııalyq emes aktsıonerlik qoǵamynyń Atyraý fılıalyna tıesili ekeni anyqtaldy. Mundaı arhıv qujattary memlekettik qyzmetterdi kórsetý kezinde talap etiledi», - dep habarlady oblystyq polıtsııa departamentiniń baspasóz qyzmetinen.
Qazir belgilenbegen jerge qoqys tastaǵan avtokólik júrgizýshisin anyqtap, ákimshilik jaýapkershilikke tartý úshin tekserý júrgizilýde.