Atyraýda apatty jaǵdaıdaǵy 7 jataqhananyń turǵyndary baspanaly bolady
«Turǵyn úı salasynda 7-20-25 baǵdarlamasy boıynsha 512 ótinim kelip tústi. 300-i maquldandy, 3 mlrd 789 mln teńgege 276-si berildi. «Baqytty otbasy» aıasynda - 51 adamǵa, kópbalaly otbasylarǵa - 96 páter berildi», - dedi oblys ákimi.
Óńir basshysynyń dereginshe, Atyraý oblysynda apatty jaǵdaıda turǵan 79 úı bar. Sonyń 74-i Atyraý qalasynda ornalasqan. Onyń 12-si - jataqhana.
«Oblystyq bıýdjetten bólingen qarajatqa 240 páterli 6 kópqabatty úı salynyp jatyr. Jyl sońyna deıin sonyń úsheýin paıdalanýǵa berýdi josparlap otyrmyz. ıAǵnı, apatty 12 jataqhananyń jeteýiniń turǵyndaryn kóshiremiz», - dedi Nurlan Noǵaev.
Aıta keterligi, 2019 jyly Atyraý óńirinde 5533 páterlik 77 kópqabatty turǵyn úıdiń qurylysy josparlanǵan bolatyn. Onyń ishinde 2755 páterlik 32 úı búginde paıdalanýǵa berildi. Qalǵan úılerdi 2020 jyly qoldanysqa berý josparlanyp otyr.
Esterińizge sala ketsek, búgin Ortalyq kommýnıkatsııalar qyzmetindegi baspasóz máslıhatynda Atyraý oblysynyń ákimi Nurlan Noǵaev óńir ortalyǵynda turǵyndarǵa qolaıly bolýy úshin qoǵamdyq kólikte saralanǵan tarıf engizilgenin aıtqan edi.
«Ótken jyldyń qazan aıynda «Tsıfrly Qazaqstan» memlekettik baǵdarlamasy aıasynda Atyraýda elektrondy bıletteýdiń qanatqaqty jobasy engizildi. 11 qazanda jol aqysyn tóleý júıesin elektrondy nusqaǵa aýystyrý úshin dıfferentsııalanǵan tarıf iske qosyldy. Qazir qoǵamdyq kóliktegi jol aqysyn tóleý 85 paıyz elektrondy túrde júrgiziledi dep senimmen aıtýǵa bolady», - dedi oblys ákimi.