Atyraýda alǵash ret túngi jappaı júgirý jarysy ótedi
«Keńózek selolyq okrýginde №3 balalar men jasóspirimder sport mektebi jáne dárigerlik ambýlatorııalyq bólimshe ashyldy. Jylyoı aýdanynda 580 oryndyq eki balabaqsha jumysyn bastady. Atyraýda 320 oryndyq dene shynyqtyrý-saýyqtyrý kesheni salyndy. Astananyń 20 jyldyǵy qarsańynda «Nurly jer» memlekettik baǵdarlamasy aıasynda Bereke yqshamaýdanynda 195 otbasy baspanaly boldy. Ol úıler memlekettik turǵyn úı qorynan páter alýǵa quqyly 13 sanat boıynsha kezekte turǵandarǵa berildi. 2018 jyly oblysta 3892 páterlik 44 kópqabatty turǵyn úıdiń qurylysy bastaldy. Bıyl 34 úı paıdalanýǵa beriledi. Oblys ortalyǵynda 39 úı salynsa, qalǵany aýdandarda boı kótergen», dep habarlaıdy oblystyq ákimdiktiń baspasóz qyzmeti.
Aıta ketý kerek, Astana kúninde Atyraý qalasynyń turǵyndary men qonaqtaryna merekelik baǵdarlama usynyldy, onyń ishinde aýyl sharýashylyǵy ónimderiniń jármeńkesi men balalar shyǵarmashylyǵy festıvali jáne strıtboldan sporttyq jarystar ótti. Sondaı-aq, ortalyq alańda qazaqstandyq estrada juldyzdarynyń kontserti men merekelik otshashýlar ótti.
Odan bólek, búgin saǵat 22.00-de Astana kúni merekesiniń aıasynda Atyraýda alǵash ret «Atyrau Marathon. NIGHT RACE» túngi jappaı júgirý jarysy ótedi.