Atyraýda áleýmettik jobalar forýmy ótedi

ATYRAÝ. QazAqparat - Atyraýda etnomádenı birlestik ókilderiniń qatysýymen kezdesý ótti. Jıynǵa Qazaqstan halqy Assambleıasy tóraǵasynyń orynbasary, QR Prezıdent Ákimshiliginiń Qazaqstan halqy Assambleıasy Hatshylyǵynyń meńgerýshisi Leonıd Prokopenko qatysty, dep habarlaıdy «QazAqparat».

«Kezdesý barysynda biz «Qazaqstan halqy Assambleıasy týraly» zańyna engiziletin ózgeristerge qatysty aýqymdy áńgime qozǵadyq. Etnomádenı birlestik ókilderi ózderiniń oı-pikirlerin ortaǵa salyp qana qoımaı, birqatar usynystar da engizdi. Sonymen qatar Qazaqstan halqy Assambleıasy arqyly júzege asyrylatyn áleýmettik jáne mádenı jobalar týraly da keleli áńgime qozǵaldy. Birinshi kezekte olar Qazaqstannyń ózge memlekettermen baılanystaryn nyǵaıtý, mádenıetimizdi álemdik deńgeıde nasıhattaý jáne tarıhta qaldyrý sııaqty máselelermen baılanysty»,-dedi L.Prokopenko.

Jıynda Atyraýǵa sapar barysynda qarasha aıyna belgilenip otyrǵan áleýmettik jobalar forýmyna daıyndyq pen ony ótkizýge qatysty máseleler de sóz bolǵandyǵy aıtyldy. Atalmysh sharada Qazaqstan halqy Assambleıasy «Rýhanı Jańǵyrý» men Elbasynyń 5 áleýmettik bastamasynyń aıasynda bıylǵy jyly júzege asyrylatyn barlyq áleýmettik jobalary tanystyrylady.