Atyraýda áleýmettik mańyzy bar azyq-túlik baǵasyna qosylǵan ústeme 76 paıyzǵa jetken
Básekelestikti qorǵaý jáne damytý agenttiginiń Atyraý oblysy boıynsha departamenti «Ideal Market» (Ideal, Lıder dúkenderi), «TD ıArmarka», «Anvar» JShS-niń saýda jelilerinde birqatar áleýmettik mańyzy bar azyq-túlik taýarlaryna ruqsat etilgen ústemeaqyny arttyrýǵa qatysty buzýshylyqtardy anyqtady.
«Ulttyq ekonomıka mınıstrligi bekitken «Saýda qyzmetin retteý týraly» QR Zańyna jáne shshki saýda qaǵıdalaryna sáıkes áleýmettik mańyzy bar azyq-túlik taýarlaryna shekti saýda ústemesiniń mólsheri 15 paıyzdan aspaýy tıis. Biraq, «ıArmarka TD» dúkender jelisinde tazartylǵan kúrishke qosylǵan ústeme baǵa 21%-dy qurady. Al, «Ideal Market» dúkenderinde unǵa, kúnbaǵys maıyna, tazartylǵan kúrishke, taýyq jumyrtqasyna (І sanatty), sondaı-aq, jemis-kókónis ónimderine qosylǵan ústeme 16%-dan 76%-ǵa deıin jetken. Sondaı-aq, «Anvar» saýda jelisinde tazartylǵan kúrish, sary maı, qaraqumyq jarmasyna 17%-dan 23%-ǵa deıin ústeme qosylǵan» -dep habarlady óńirlik departamentten.
Anyqtalǵan buzýshylyqtar týraly aqparat sharalar qabyldaý úshin Atyraý qalalyq kásipkerlik jáne aýyl sharýashylyǵy bólimine jiberildi.
Eske sala ketelik, budan buryn Atyraýda saýda jelileri azyq-túlik jetkizýshilerden tólemderdi zańsyz talap etkenin habarlaǵan bolatynbyz.