Atyraýda aldaǵy 5 jylda 7 myń otbasyn baspanamen qamtý kózdelip otyr

ATYRAÝ. QazAqparat – Atyraýda aldaǵy bes jylda 7 myń otbasyn baspanamen qamtý kózdelip otyr, dep habarlaıdy QazAqparat.

Oblys ákimi Mahambet Dosmuhambetovtiń tóraǵalyǵymen ótken Atyraý oblystyq máslıhatyndaǵy «Nur Otan» partııasy depýtattyq fraktsııasynyń jıynynda «Ózgerister joly: Ár azamatqa laıyqty ómir!» atty «Nur Otan» partııasy Atyraý oblysynyń saılaýaldy baǵdarlamasyn júzege asyrý máselesi talqylandy.

«Nur Otan» partııasy depýtattyq fraktsııasynyń basshysy Nurlybek Ojaevtyń aıtýynsha, Atyraý oblysynda aldaǵy bes jylda 3,5 mln sharshy metr turǵyn úıdi paıdalanýǵa berip, 7 myń otbasyn baspanamen qamtamasyz etý jasparlanyp otyr.

Sondaı-aq, oblysta 7 kárizdik-tazartý ǵımarattaryn salý jáne qaıta jańǵyrtý jobasyn iske asyrý kózdelgen.

Eske sala ketelik, buǵan deıin Atyraýda 10 iri ınvestıtsııalyq joba júzege asyrylatynyn habarlap edik.