Atyraýda alaıaq qaıtys bolǵan 5 jasar qyzdy jerleýge aqsha jınamaq bolǵan

ATYRAÝ. QazAqparat – Atyraýda alaıaq qaıtys bolǵan 5 jasar qyzdy jerleýge aqsha jınamaq bolǵan, dep habarlaıdy QazAqparat.

Budan buryn Atyraýda 6-qabattan qulaǵan 5 jasar qyzdyń aýrýhanada kóz jumǵanyn j azǵan bolatynbyz.

Oblystyq polıtsııa departamenti baspasóz qyzmetiniń málimetinshe, keshe, 21 qazanda Atyraý qalalyq polıtsııa basqarmasyna 43 jastaǵy áıel shaǵym túsirgen.

Aryzdanýshynyń aıtýynsha, belgisiz adam áleýmettik jelide terezeden qulap, qaıtys bolǵan qyzynyń jerleý rásimine qarajat jınaımyz dep jalǵan aqparat taratqan.

«Bul alaıaqtardyń áreketi ekeni anyqtaldy. Qazir atalǵan derekke qatysty QR Qylmystyq kodeksiniń 190-babynyń 4-bóligimen (alaıaqtyq) qylmystyq is tirkelip, kúdiktini izdestirý jumystary júrgizilip jatyr», - dep habarlady departamenttiń baspasóz qyzmeti.