Atyraýda Alashordanyń 100 jyldyǵyna arnalǵan aqyndar aıtysy ótti
16:32, 21 Jeltoqsan 2017
ATYRAÝ. QazAqparat - Atyraýda Alashordanyń 100 jyldyǵyna arnalǵan oblystyq aqyndar aıtysy ótti, dep habarlaıdy «QazAqparat» HAA.
«Aıtysqa 14 aqyn qatysty. Olardyń arasynda respýblıkalyq jáne halyqaralyq aıtystarda top jaryp júrgen Saadat Nurmanov ta bar. Aqyndar qoǵamdaǵy keshilikterdi, aýanyń lastanýyn, jóndelmegen jol máselesi sııaqty halyqty kókeıinde júrgen dúnıelerdi óleńmen jetkize bildi»,-dedi aıtysqa qazylyq etken Ótepbergen Álimgereev.
Sóz saıysynda bilim taqyryby erekshe kóterilip, oqýlyqtardaǵy qatelikter men oqýshylardyń bolashaǵy týraly kóptegen oılar aıtyldy.
Bas júldeni 26 jastaǵy aqyn Ánýarbek Sadyqov jeńip aldy. Aqyndardyń barlyǵy alǵys hattarmen jáne demeýshiler usynǵan syılyqtarmen marapattaldy.