Atyraýda «Aqjaıyq» rezervatynyń 1 gektar aýmaǵy órtendi

ATYRAÝ. QazAqparat – Atyraýda «Aqjaıyq» memlekettik tabıǵı rezervatynyń 1 gektar aýmaǵy órtendi, dep habarlaıdy QazAqparat.

Oblystyq tótenshe jaǵdaılar departamentiniń baspasóz qyzmetinen málim etkendeı, órt búgin, 9 qyrkúıekte saǵat 14:47 mınýt shamasynda tutanǵan.

«Kaspıı teńiziniń jaǵalaýyndaǵy «Aqjaıyq» memlekettik tabıǵı rezervatynyń 1 gektar aýmaǵynda órt shyqty. Erkinqala aýylynan ońtústik-batysuqa qaraı shamamen 20 shaqyrym qashyqtyqta qurǵaq shópter men qamys órtin sóndirýge tótenshe jaǵdaılar departamentinen 5 qyzmetker men 1 tehnıka, «Aqjaıyq» rezervatynan 35 qyzmetker, 2, sondaı-aq, 4 júzý quraly, 4 motosorǵysh jumyldyryldy», - dep habarlady departamenttiń baspasóz qyzmeti.

Jaǵalaýdaǵy jalyn saǵat 16:30 mınýtta oqshaýlanyp, saǵat 17:00-de tolyq sóndirilgen.

Eske sala ketelik, budan buryn Atyraýda jyl basynan beri 205 órt tirkelgenin jazǵan edik.