Atyraýda aqpannan bastap elektr energııasy qymbattady

ATYRAÝ. QazAqparat – Atyraýda aqpan aıynan bastap elektr energııasynyń baǵasy kóterildi, dep habarlaıdy QazAqparat.

«Tarıfter turǵyndar úshin de, zańdy tulǵalar úshin de kóterildi. Turǵyndarǵa elektr energııasy 4,5% qymbattady. Buǵan deıin 1 kVt/saǵ úshin 4,87 teńge tólep kelse, endi onyń baǵasy 5,10 teńge boldy. Elektr energııasyn taýarlar óndirisine, jumysqa jáne qyzmet kórsetý úshin paıdalanatyn zańdy tulǵalarǵa tarıfti kóterýge berilgen ótinimde onyń baǵasyn 10,5% qymbattatý josparlanǵan, ıaǵnı 1 1 kVt/saǵ - 18,89 teńge. Biraq jańa tarıf 18,68 teńge kóleminde bekitildi. Óndirispen jáne aýylsharýashylyq ónimin óńdeýmen aınalysatyn kásipkerler úshin jańa tarıftiń baǵasy 15,07 teńgeni quraıdy», - dep habarlady «Atyraý Energosatý» JShS dırektory Elmıra Esembergenova.

Avtory: A. Sokolov