Atyraýda ákimdik ǵımaraty búlinip, 170-ke jýyq adam ustaldy
16:21, 08 Qańtar 2022
ATYRAÝ. QazAqparat – Atyraýda polıtsııaǵa kúsh kórsetken 170-ke jýyq adam ustaldy, dep habarlaıdy QazAqparat tilshisi.
Atyraý oblysynyń komendanty-oblystyq polıtsııa departamentiniń bastyǵy Qamza Úmbetqalevtiń aıtýynsha, Atyraý qalasynyń kireberisine 4 blokpost qoıylǵan.
Zańsyz mıtıngke qatysýshylardyń buzaqylyq áreketterinen oblystyq ákimdiktiń ǵımaraty búlindi. Sondaı-aq polıtsııanyń 7 kóligi jaramsyz bolyp qaldy. Qoǵamdyq tártipti saqtaý kezinde 36 polıtseı ártúrli dene jaraqatyn aldy. Zańsyz áreketter jasaǵan 168 adam ustaldy.
Óńirde Prezıdenttiń Jarlyǵymen Tótenshe jaǵdaı engizildi. Óńirdiń kúshtik qurylymdary kúsheıtilgen rejımde jumys istep jatyr.
Komendattyq saǵat talaptaryn buzǵan 13 adam jaýapqa tartyldy.