Atyraýda ákesi men ulynan 300 kelige jýyq bekire tárkilendi
Oblystyq polıtsııa departamentiniń baspasóz qyzmetinen málim etkendeı, uıymdasqan qylmysqa qarsy kúres basqarmasynyń qyzmetkerleri 300 kelige jýyq bekire balyǵyn satýǵa daıyndaǵyn ákeli-balaly turǵyndardy ustaǵan.
Basqarma qyzmetkerlerine balyq qoryna zańsyz qol suǵýshylardy ustaýǵa jedel áreket etetin arnaıy jasaq kómek bergen.
«Jedel-izdestirý is-sharalaryn júrgizý kezinde zańsyz aýlanǵan bekire tuqymdas balyqtaryn satpaq bolǵan Atyraý qalasynyń eki turǵyny ustaldy. Olar – ákeli-balaly adamdar. Ákesiniń jasy 61-de, al, 37 jasta. Kúdiktiler baǵaly balyqtardy «Nıva» avtokóligin tasymaldap kele jatqan. Kólikti tekserý kezinde jáne turǵylyqty meken-jaıynan 280 keliden astam bekire balyǵy tabylyp, tárkilendi»,-dep habarlady departamenttiń baspasóz qyzmeti.
Qazir ustalǵan kúdiktilerge qatysty QR Qylmystyq kodeksiniń 339-babymen sotqa deıingi tergep-tekserý júrgizilip jatyr.
Memleketke keltirilgen zalal quny 130 mln teńgeni qurady. Ustalǵandar ýaqytsha ustaý ızolıatoryna qamaýǵa alyndy.
Eske sala ketelik, budan buryn Atyraý oblysynda brakonerlerden 134 keli bekire tárkilengenin jazǵan bolatynbyz.