Atyraýda aǵylshyn tilin tegin oqytý kýrsy bastaldy

 ATYRAÝ. QazAqparat - Atyraýda aǵylshyn tilin tegin oqytý kýrsy bastaldy, dep habarlaıdy QazAqparat tilshisi.

Kýrstardy «Tilderdi damytý men qoldanýdyń 2011-2020 jyldarǵa arnalǵan» memlekettik baǵdarlamasyn júzege asyrý aıasynda oblystyq jastar saıasaty máseleleri jónindegi basqarma uıymdastyrǵan. Bilikti mamandar dáris beretin oqý aptasyna úsh ret: dúısenbi, sársenbi, juma kúnderi saǵat 17.00-19.00 aralyǵynda Nursaıa yqshamaýdany 23 úıde ornalasqan Jastar resýrstyq ortalyǵynda ótedi.

Aıta keteıik, ótken jyly áleýmettik jaǵynan az qamtylǵan 100 adam aǵylshyn tiliniń tegin kýrsyna qatysqan edi. Bıyl 14-29 jas aralyǵyndaǵy barlyq qalaýshylar úshin shet tili tegin oqytylady.

Sondaı-aq, Atyraý qalasynyń 300 turǵynynyń jumysqa ornalasýyna kómek kórsetilip, olar kompıýterlik saýattylyq deńgeıin kóterip, birneshe mamandyqtar boıynsha oqý kýrstarynan ótti.