Atyraýda Abaı murasyna arnalǵan sýretshiler sımpozıýmy ótti

ATYRAÝ. QazAqparat – Atyraýda «Sýret álemindegi Abaı murasy» atty sýretshilerdiń respýblıkalyq sımpozıýmy ótti, dep habarlaıdy QazAqparat.

Sh.Sarıev atyndaǵy kórkemsýret jáne qoldanbaly-sándik mýzeıiniń dırektory Tólegen Orynbasarulynyń aıtýynsha, sımpozıýmnyń maqsaty – ultymyzdyń uly aqyny Abaı Qunanbaevtyń shyǵarmashylyǵyna qyzyǵýshylyqty arttyrý. Sýretshilerdiń qylqalamymen aqyn óleńderine, aýdarmalaryna, bolmysyna jańasha sıpat berý.

«Sıpozıýmǵa elimizdiń ár óńirinen 20 óner ókili men qylqalam sheberi qatysty. Olar mýzeı qoryna ózderi salǵan 40-qa jýyq jańa týyndyny usyndy. Qylqalam sheberleriniń qııalynan týyndaǵan sýretter toptamasyndaǵy «Abaıdyń qara sózi», «Abaı», «Qansonarda búrkitshi shyǵady ańǵa», «Toǵjannyń kelbeti» syndy kartınalar kórermenge erekshe sezim syılady», -deıdi Tólegen Orynbasaruly.

Oblys ákimdigi sımpozıýmǵa qatysýshylarǵa alǵys hattar men 200 myń teńge somasyna sertıfıkattar tabystady.

Eske sala ketelik, budan buryn Atyraýda qala kúnine arnalǵan kórmege 100-den astam fotosýret qoıylǵanyn jazǵan edik.