Atyraýda abattandyrý erejesin buzǵan 50 adamǵa aıyppul salyndy
Oblystyq polıtsııa departamenti baspasóz qyzmetiniń málimetinshe, ýchaskelik polıtsııa ınspektorlary qaladaǵy abattandyrý jumysyna qatysty reıdtik is-shara ótkizgen.
«Ýchakelik polıtsııa ınspektorlary ózderine bólinip berilgen aýmaqty aralaýdy jandandyrdy. Olarǵa júktelgen mindettiń qatarynda turǵyndardarǵa elimizdiń zańdylyǵyn saqtaý, soǵan sáıkes jaýapkershilikti eskertý men túsindirý bar.
Inspektorlar «Ýchaske» profılaktıkalyq-jedel is-sharasy kezinde QR Ákimshilik quqyqbuzýshylyq týraly kodeksiniń 505-babyn buzǵany úshin (Qalalar men eldi mekenderdiń aýmaqtaryn abattandyrý erejelerin buzǵany úshin) 70-ten astam adamdy
jaýapkershilikke tartty. Zańdylyqty buzǵan 50 adamǵa aıyppul salynyp, 20-dan astamyna eskertý berildi», - deıdi Atyraý qalalyq polıtsııa basqarmasy jergilikti polıtsııa qyzmeti bólimi bastyǵynyń orynbasary Aıymbek Qazbekov.
Eske sala ketelik, budan buryn Atyraýda avtobýs júrgizýshileri bir kúnde 55 márte ereje
buzǵanyn jazǵan edik.