Atyraýda 810 myń teńge aıyppulyn tólemegen júrgizýshi ustaldy
Atyraý qalalyq polıtsııa basqarmasynyń baspasóz qyzmetinen málim etkendeı, aıyppulyn tólemegen júrgizýshi 21 tamyzda ustalǵan.
«Atyraý qalalyq polıtsııa basqarmasy jedel basqarý ortalyǵynyń beınebaqylaý qyzmetkerleri Interceptor izdeý júıesi arqyly Grýzııa elinde tirkelgen Toyota Camry avtokóligin anyqtady. Al patrýldik polıtsııa qyzmetkerlerine avtokólikti Azattyq kóshesiniń boıynda toqtatty. Tekserý kezinde avtokólik júrgizýshisiniń 810 myń teńgeden astam 37 aıyppulyn tólemeı júrgeni belgili boldy», - dep qalalyq polıtsııa basqarmasynnyń baspasóz qyzmeti.
Polıtsııa qyzmetkerleri 27 jastaǵy júrgizýshige qatysty QR Ákimshilik quqyq buzýshylyq týraly kodeksiniń 785-babyna sáıkes hattama toltyrdy. Avtokólik arnaıy aıyp turaǵyna qoıyldy.
«Kólik júrgizýshilerine jol erejesin qatań saqtaýdy eskertemiz. Jol erejesin buzǵany úshin aıyppuldardy merziminen keshiktirmeı óteý qajet», - dep málim etti qalalyq polıtsııa basqarmasynan.
Eske sala ketelik, budan buryn Atyraýda tólenbegen aıyppuly bar júrgizýshilerden 30 mln teńge óndirilgenin habarlaǵan bolatynbyz.
Atyraý qalalyq patrýldik polıtsııa batalonynyń komandıri Dáýren Nasıpollanyń málimetinshe, jeke sot oryndaýshylarmen, memlekettik kirister organynyń qyzmetkerlerimen birge reıdter ótkizilgen.
Birlesken reıd kezinde aıyppulyn tólemegen júrgizýshilerdiń 500-ge jýyq avtokóligi QR Ákimshilik quqyq buzýshylyq týraly kodeksiniń 785-babyna sáıkes arnaýly turaqqa qoıyldy. Al 700-ge jýyq kólik quralynyń júrgizýshilerinen 30 mln teńgeden astam tólenbegen aıyppul óndirilip alyndy», - dep habarlady Dáýren Nasıpolla.