Atyraýda 77 kóp qabatty turǵyn úı salynyp jatyr

ATYRAÝ. QazAqparat –Atyraýda «Nurly jer» baǵdarlamasymen 77 kóp qabatty turǵyn úı salynyp jatyr, dep habarlaıdy QazAqparat.

Turǵyndar aldynda esep bergen oblys ákimi Mahambet Dosmuhambetovtiń málim etýinshe, Atyraýda turǵyn úı qurylysy qarqyndy júrgizilýde. Máselen, ótken jyly jalpy aýdany 933,7 myń sharshy metrdi quraıtyn 7146 páterlik turǵyn úı qurylysy aıaqtaldy. Al, byltyrdan beri «Nurly jer» baǵdarlamasymen salynyp jatqan 77 kóp qabatty turǵyn úıdiń 31-i paıdalanýǵa berildi. Bularda 5,5 myńnan astam páter bar.

«Bıyl 16 jaldamaly turǵyn úı tapsyrylady. Qazir oblysta memlekettik turǵyn úı qorynan páter alý kezeginde 28 301 adam tur. Byltyr osy tizim boıynsha 470 adam baspanaly boldy» - dedi Mahambet Dosmuhambetov.

Sondaı-aq, óńirde apatty jaǵdaıda jáne tozyǵy jetken 87 úı bar.

Joldasbek Kósherbaıuly