Atyraýda 7 myńnan astam erekshe balaǵa qoldaý kórsetildi

ATYRAÝ. QazAqparat – Atyraýda erekshe qajettiligi bar 7 myń balaǵa qoldaý kórsetildi, dep habarlaıdy QazAqparat.

Bilim kúni qarsańynda «Aınalaıyn» qaıyrymdylyq marafony ótti.

Іs-sharaǵa Atyraý qalasyndaǵy Ǵ.Muratbaev atyndaǵy orta mekteptiń ınklıýzıvti synyp oqýshylary, olardyń ata-analary men muǵalimderi, ÚEU ókilderi qatysty.

«Erekshe balalardy oqytý úshin ınklıýzıvti bilim berýge basa kóńil bólinip otyr. Qazir oblysta arnaıy keńes berý, túzetý kabınetteri jumys isteıdi. Mektep-ınternattar janynan ońaltý ortalyqtary iske qosyldy. Al, mektepterde jańa formatta ınklıýzıvti synyptar ashylýda. Endi erekshe balalarǵa psıhologııalyq, medıtsınalyq, pedagogıkalyq keńes berý úshin Atyraý qalasynda arnaıy ortalyq salý josparlanýda» - deıdi oblys ákimi Mahambet Dosmuhambetov.

Ákimniń aıtýynsha, óńirde 7 myńnan astam erekshe bala bar. Onyń 3 myńnan astamy Atyraý qalasynda turady.

Olardyń bárine bir mezette saýda ortalyqtarynan mektep formasy men oqý quraldaryn satyp alý úshin sertıfıkat tabys etildi.

Eske sala ketelik, buǵan deıin Atyraýda erekshe balalardyń otbasyna jańajyldyq 7 myń syılyq taratylǵanyn habarlaǵan edik.