Atyraýda 6 jasar bala 3-qabattan qulap ketti
15:20, 03 Maýsym 2021
ATYRAÝ. QazAqparat – Atyraýda 6 jasar bala 3-qabattan qulap ketti, dep habarlaıdy QazAqparat.
Oblystyq polıtsııa departamenti baspasóz qyzmetinen málim etkendeı, Atyraýda jyl basynan beri 6 bala terezeden qulaǵan. Sondaı oqys oqıǵanyń biri 2 maýsymǵa qaraǵan túnde boldy.
«Atyraý qalasynda 33 jastaǵy jalǵyzbasty áıel 6 jasar balasyn qydyrtyp, úıine taksımen kesh kelgen. Balasyn páterge kirgizip bolǵan soń, kóliktegi qalǵan zattaryn alýǵa qaıta shyqqan.
Anasy úıge oralǵanda, balasynyń terezeden qulap ketkenin baıqaǵan. Jasóspirim túrli jaraqatpen oblystyq balalar aýrýhanasynyń jansaqtaý bólimine jatqyzyldy», -dep
habarlady departamenttiń baspasóz qyzmeti.
Eske sala ketelik, budan buryn Atyraýda 19 jastaǵy boıjetken 8-qabattan sekirip
ketkenin habarlaǵan edik.