Atyraýda 44 jastaǵy mas áıel kópirden sekirmek bolǵan
Oblystyq polıtsııa departamentiniń baspasóz qyzmetinen málim etkendeı, oqıǵa Atyraý qalasynda 15 mamyrda bolǵan. Bul týraly 102 arnasyna saǵat 00:50 shamasynda habar túsken.
«Atyraý qalalyq polıtsııa basqarmasynyń patrýldik polıtsııa batalonynyń qyzmetkerleri oqıǵa ornyna jedel jetip, ortalyq kópir ústinen sekirgeli turǵan áıeldi qutqaryp qaldy. Tekserý kezinde 1979 jylǵy áıeldiń jeńil dárejede mas kúıde bolǵanyn anyqtaldy. Ol jedel tergeý tobyna tapsyryldy. Onyń ne sebepten sýıtsıd jasamaq bolǵany anyqtalyp jatyr», -dep habarlady departamenttiń baspasóz qyzmeti.
Eske sala ketelik, budan buryn 23 jastaǵy atyraýlyq on altynshy qabattan sekirýge oqtalǵanyn habarlaǵan bolatynbyz.
Jas jigit Atyraý qalasyndaǵy «Almagúl» shaǵynaýdanynda ornalasqan turǵyn úıdiń 16-qabatynan sekirýge oqtalǵan. Ony qutqarý úshin oqıǵa ornyna Atyraý qalalyq polıtsııa basqarmasy patrýldik polıtsııa batalonynyń vzvod komandıri Danabek Saqýov, qyzmet ınspektorlary, polıtsııa aǵa leıtenanty Aıdos Qubıev pen polıtsııa leıtenanty Serik Joldyǵalıuly jedel jetken.
«Polıtseıler joǵarǵy qabatqa kóterilgende, er adam ózine jaqyndamaýyn eskertip, aıǵaılaı bastaǵan. Jaǵdaıdy baǵdarlaǵan polıtseıler er adammen dıalog qurýǵa tyrysqan. Olar yńǵaıly sátte shapshań qımyldap er adamnyń arqasynan ustap, balkonǵa tartyp kirgizgen», - dep habarlaǵan edi departamenttiń baspasóz qyzmetinen.