Atyraýda 40 eldi mekenniń tarıhy jazylǵan kitap jaryqqa shyqty
Oblystyq tarıhı-mádenı murany zertteý ortalyǵynyń dırektory Muhambetqalı Kıpıev shyǵarǵan kitaptyń ataýy «XVIII-XX ǵasyrlardaǵy Atyraý óńirindegi eldi mekender» dep atalady. Avtordyń aıtýynsha, munaıly óńirdegi eldi mekenderdiń keıbiriniń irgesi XVIII ǵasyrda qalanǵan.
«Elbasy – Tuńǵysh Prezıdent Nursultan Nazarbaevtyń «Bolashaqqa baǵdar: rýhanı jańǵyrý» jańa kitapqa 40 eldi meken týraly qyzyqty derekter engizildi. Óıtkeni, qazir keıbir eldi mekender joıylyp ketken. Sol sebepten, sondaı aýyldardyń tarıhyn zerdeleý úshin zertteý jumysyn júrgizdik. Reseı Federatsııasyndaǵy Orynbor, Astrahan, sondaı-aq Almaty qalasyndaǵy muraǵattardan qyzyqty materıaldar taptyq. Keıbir kentterdiń ornalasqan ornyna bardyq», -deıdi Muhambetqalı Kıpıev.
Kitap eldi mekenderdiń paıda bolý kezeńi men geografııalyq ornalasýyna qaraı úsh bólimge bólingen.
«Alǵashqy bólimde Jaıyq pen Jem ózenderiniń boıynda salynǵan eldi mekender qamtylsa, ekinshisinde Kaspıı teńiziniń jaǵalaýyndaǵy aýyldar týraly jazyldy. Al, úshinshi bólimde HH ǵasyrdyń 20-jyldaryna deıin boı kótergen saýda jáne óndiris ortalyqtary týraly zertteýler bar. Bul kitapty daıyndaý kezinde óńirdegi eldi mekender jóninde buryn jaryq kórmegen kartalar, syzbalar men fotosýretterdi paıdalandyq», -deıdi Muhambetqalı Kıpıev.
Eske sala ketelik, budan buryn Atyraýda Ábilhaıyr han men Bopaı hanym týraly kitap tanystyrylǵan bolatyn.