Atyraýda 33 memqyzmetshi merıtokratııa qaǵıdatymen joǵarylady
Atyraý oblysy ákimi apparatynyń ádep jónindegi ýákili Farıda Ahmetovanyń aıtýynsha, byltyr jergilikti atqarýshy organdarda ishki konkýrs arqyly 9 memlekettik qyzmetshiniń laýazymy ósken. Al bıyl 33 memlekettik qyzmetshi merıtokratııa qaǵıdatymen joǵarylaǵan. Memlekettik organdardyń merıtokratııa qaǵıdalaryn saqtaýǵa qatysty túsindirý-profılaktıkalyq jumys, sondaı-aq onyń oryndalýyna turaqty monıtorıng júrgizilgen.
«Memlekettik qyzmettegi merıtokratııa – ýaqyt talaby. Bul qaǵıda memlekettik organdarǵa qabyldanýdyń alǵy sharty esebinde qaralady. Memlekettik qyzmetke laıyqty kadrlardy irikteýge múmkindik beredi. Merıtokratııa prıntsıpterin nyǵaıtý sybaılas jemqorlyqty tamyrymen joıýǵa, memlekettik qyzmetke tek saýatty, bilikti kadrlardyń ornalasýyna yqpal etedi»,- deıdi ádep jónindegi ýákil Farıda Ahmetova.
Eske sala ketelik, budan buryn Atyraýda memlekettik qyzmetshiler alleıasy ashylǵanyn jazǵan bolatynbyz.