Atyraýda 32 jastaǵy alaıaq áıel arzan dollar áperem dep birneshe adamdy aldaǵan

ATYRAÝ. QazAqparat – Atyraýda alaıaq áıel úsh adamdy arzan dollar áperem dep aldap ketken, dep habarlaıdy QazAqpara

Oblystyq polıtsııa departamenti baspasóz qyzmetiniń málimetine súıensek, 32 jastaǵy áıel úsh adamnyń aqshasyn alyp, san soqtyryp ketken.

Kúdikti úsh adamdy arzan baǵamen dollar alyp beremin dep aldaǵan.

Shyǵyn kólemi shamamen 1 mln 300 myń teńgeden asady.

Bar jıǵan-tergenin aılakerdiń esep-shotyna aýdarǵandar ádildik izdep, polıtsııaǵa habar berdi.

Kúdikti áıel áýeli Atyraý qalasynyń 1987 jylǵy turǵynynan 645 myń teńgesin aldap alǵan.

Keıin 36 jastaǵy eki turǵynnyń birinen 300 myń, ekinshisinen 400 myń teńgeni jymqyrǵan.

«Turǵyndar qolyndaǵy qarjysyn alaıaqqa bergenin bilmeı qalǵan. Alaıda, alaıaq áıel ýáde etilgen arzan dollardy da, teńgeleı qarjyny da qaıtarmaı, iz-túzsiz joǵalǵan» -dep málim etti departamenttiń bastyǵy, polıtsııa polkovnıgi Qamza Úmbetqalıev.

Qazir atalǵan kúdiktige qatysty QR QK-niń 190-babynyń 1-bóligimen sotqa deıingi tergeý júrip jatyr.

Eske sala ketelik, buǵan deıin Atyraýda arzan ıpoteka resimdeýge ýáde bergen alaıaq áıel ustalǵanyn jazǵan bolatynbyz.