Atyraýda 3000 otbasy 30 mln teńgeniń dári-dármegin tegin alady
Óńirlik kommýnıkatsııalar qyzmetiniń málimetinshe, oblys ákimi Mahambet Dosmuhambetovtiń tapsyrmasymen áleýmettik turmysy tómen otbasylarǵa 30 mln teńgeniń dári-dármegi tegin úlestirilgeli otyr.
«Bizdiń maqsatymyz – eń aldymen aýyryp qalǵan áleýmettik áljaýaz topqa jatatyn jandardy dári-dármekpen shuǵyl qamtamasyz etý. Óńirlik «Biz birgemiz» qorymen birlesip 30 mln teńgege jýyq qarajatqa eń qajetti preparattar alynyp, arnaıy paketke salynyp daıyndaldy. Dári-dármek birinshi toptaǵy múgedek jandar men múmkindigi shekteýli balalardy asyraýshy ata-analarǵa tegin úlestiriledi. Muqtaj adamdardyń tizimi tolyq jasaqtaldy. Mundaı qoldaý aldaǵy ýaqytta da jalǵasyn tabady»,- dedi Atyraý oblysy ákiminiń orynbasary Baqytgúl Hamenova.
Erteń, 19 shildede volonterler ishine 30 túrli dári-dármekter salynǵan arnaıy paketterdi Atyraý qalasy men jeti aýdannyń 3000 otbasyna jetkizip beredi.
Eske sala ketelik, buǵan deıin Atyraýǵa dári-dármektiń iri partııasy tıelgen júk kóligi kelgen edi.