Atyraýda 3 jigit janarmaı beketinde turǵan kólikti aıdap áketken
Oblystyq polıtsııa departamenti baspasóz qyzmetinen málim etkendeı, oqıǵa keshe, 21 qarashada bolǵan.
«Atyraý qalasyndaǵy Qurmanǵazy kóshesinde ornalasqan janarmaı beketinde turǵan «VAZ-21015» avtokóligi urlanǵan. Bul týraly polıtsııaǵa 21 qarasha kúni saǵat 8:00 shamasynda 1978 jylǵy azamattan habar tústi. Osyǵan oraı jedel áreket etken beınebaqylaý ınspektory «Sergek» kameralarynyń kómegimen urlanǵan kóliktiń júrý baǵyty men turǵan jerin anyqtady. «Batys-32» ekıpajy 1990, 1992 jáne 1992 jyly týǵan kúdikti úsh jigitti ustap, Atyraý qalalyq polıtsııa basqarmasyna jetkizdi» -dep habarlady departamenttiń baspasóz qyzmeti.
Qazir ustalǵan kúdiktilerge qatysty QR qylmystyq kodeksiniń 200-babynyń 1-bóligimen sotqa deıingi tergeý bastaldy.
Eske sala ketelik, budan buryn Atyraýda túnimen kóshe kezgen 23 jasóspirim anyqtalǵanyn habarlaǵan edik.