Atyraýda 3 jasar bala kottedjdiń 2-qabatynan qulap, aýyr halde aýrýhanaǵa tústi
Atyraý oblystyq tótenshe jaǵdaılar departamentiniń qoǵammen baılanys tobynan málim etkendeı, 3 jasar sábı búgin, 3 qyrkúıekte saǵat 16:20-da qulaǵan.
«Departamenttiń dıspetcherlik pýltine 2019 jylǵy balanyń 2-qabattan qulaǵany týraly habar tústi. Qutqarýshylar úsh jasar sábıdiń Atyraý qalasynyń «Juldyz-2» shaǵyn aýdanynda ornalasqan jeke ıeliktegi úıdiń 2-qabatynan qulaǵanyn anyqtady. Jeke ıeliktegi úıde kishkentaı bala úlken adamdardyń qaraýynsyz qalǵan. Ol túrli jaraqatpen oblystyq balalar aýrýhanasyna jatqyzyldy. Jaǵdaıy aýyr», - dep habarlady departamenttiń qoǵammen baılanys tobynan.
Qutqarýshylar usynǵan statıstıkaǵa súıensek, bıyl jyl basynan beri balalardyń terezeden qulaýyna baılanysty 4 derek tirkelgen. Sonyń saldarynan 5 bala jaraqattanǵan.
Al, byltyr osyndaı 4 oqıǵa tirkelip, 3 bala zardap shekken. Ókinishke qaraı, 2 bala mert bolǵan.
«Osyndaı oqys oqıǵanyń aldyn alý úshin ata-analardan, eresekterden balalardy qaraýsyz qaldyrmaýdy suraımyz. Jeke úıdegi, ne páterdegi barlyq terezege 12,5 sm astam ashýǵa múmkindik bermeıtin taqtaı nemese qorshaý ornatý qajet. Balalardy terezeniń qasynda oınatpaý, terezeniń aldyna otyrǵyzbaý kerek. Terezeniń janyna jıhaz qoımaý jáne moskıt toryna senbeý qajet», -dep málim etti departamenttiń qoǵammen baılanys tobynan.
Eske sala ketelik, budan buryn Atyraý oblysynda 9 jasar bala 4-qabattan qulap ketkenin habarlaǵan bolatynbyz.