Atyraýda 3 tonna dızel otynyn zańsyz satý deregi anyqtaldy
Atyraý qalasy boıynsha memlekettik kirister basqarmasynyń qyzmetkerleri munaı ónimderine jatatyn 3 tonna dızeldi zańsyz satýdyń jolyn kesti.
«Aktsızdeletin ónimderdiń zańsyz aınalymyn anyqtaýǵa baılanysty is-sharalar jalǵasyp jatyr. Bıylǵy qyrkúıek aıynda osyndaı is-sharalardyń nátıjesinde munaı ónimderin zańsyz satýmen aınalysqan 1 jeke tulǵa anyqtaldy. Zańsyz aınalymnan 3 tonna dızel otyny alynyp, jınaqtalǵan is-materıaldary ári qaraı sheshim shyǵarý úshin ákimshilik sotyna joldandy», - dep habarlady vedomostvodan.
Eske sala ketelik, buǵan deıin Atyraýda 67 mln teńgeniń zańsyz temeki ónimderi anyqtalǵanyn jazǵan bolatynbyz.
Zańsyz ónim reıdtik is-shara kezinde anyqtalǵan. Kásiporyn qyzmetin memlekettik kirister organdarynda temeki ónimderin kóterme satýshy retinde tirkeýsiz júzege asyryp kelgen. Odan 96 myń 69 qorapqa salynǵan zańsyz temeki ónimi anyqtaldy. Zańsyz ónimniń jalpy quny – 67 mln 178 myń 454 teńge.
Sondaı-aq zańsyz aınalymnan 6,7 mln teńgeniń temeki ónimderi alynǵanyn habarlaǵan edik.
Atyraý oblystyq memlekettik kirister jáne ekonomıkalyq tergeý departamentteriniń qyzmetkerleri Atyraý qalasyndaǵy qoımalar men dúkenniń birine tekserý júrgizdi. Tekserý barysynda elektrondyq temeki, veıp-qurylǵylar, olarǵa suıyqtyq túrindegi 2,5 myńnan astam zańsyz temeki buıymdary tabyldy.
Zańsyz aınalymnan alynǵan temeki óniminiń naryqtyq quny shamamen 6,7 mln teńge.