Atyraýda 3 aıda esirtkimen baılanysty 36 quqyq buzýshylyq anyqtaldy
05:30, 18 Sáýir 2021
ATYRAÝ. QazAqparat – Atyraýda polıtseıler jyl basynan beri esirtkimen baılanysty 36 quqyqbuzýshylyqty anyqtady, dep habarlaıdy QazAqparat.
Oblystyq polıtsııa departamentiniń basshysy, polıtsııa polkovnıgi Qamza Úmbetqalıevtyń aıtýynsha, basty nazar nashaqorlyqqa qarsy úgit-nasıhat jumystaryn júrgizýge, esirtkilerdiń kelý arnalaryn joıyp, esirtki quraldaryn satý men tasymaldaýdy anyqtaýǵa baǵyttalyp otyr.
«Bıylǵy 3 aıda esirtkimen baılanysty 36 quqyq buzýshylyq tirkeldi. Onyń ishinde esirtki zattaryn satýdyń – 17 deregi, asa iri kólemde esirtki zatyn saqtaýdyń – 2, esirtkini jarnamalaýdyń 3 deregi bar» - deıdi Qamza Úmbetqalıev.
Eske sala ketelik, budan buryn atyraýlyq jigit 60 doza esirtkini qalanyń úsh bóligine jasyryp qoıǵanyn habarlaǵan bolatynbyz.