Atyraýda 29 naýryzdan bastap karantın kúsheıtiledi
Buǵan deıin Atyraýda karantındik shekteý sharalary kúsheıtiletinin jazǵan edik.
29 naýryz kúni saǵat 00:00-den kúshine enetin jańa qaýlyǵa sáıkes, ashyq jáne jabyq bazarlardyń, sondaı-aq saýda úıleri men saýda ortalyqtarynyń jumys kestesine ózgeris engiziledi.
Azyq-túlik jáne azyq-túlik emes jabyq bazarlar kúsheıtilgen sanıtarlyq-dezınfektsııalyq rejımdi saqtaı otyryp, jumys kúnderi saǵat 09.00-den 19.00-ge deıin ashyq bolady. Senbi jáne jeksenbide jumys isteýine tyıym salynyp otyr.
Al azyq-túlik jáne azyq-túlik emes ashyq bazarlar jumys kúnderi saǵat 09.00-den 19.00-ge deıin, senbi kúni saǵat 09.00-den 17.00-ge deıin ashyq bolady. Jeksenbide – jabylady.
«Saýda úıleri men saýda ortalyqtaryna (pavılondar, býtıkter), saýda jelilerine, azyq-túlik emes dúkenderge saǵat 10.00-den 22.00-ge deıin (toltyrylýy obekt syıymdylyǵynyń 30% asyrmaı, 1 kelýshige 4 sharshy metrden kem emes) jumys isteýine ruqsat etiledi. Nysandar ishinde ornalasqan azyq-túlik sýpermarketteri men dárihanalardy qospaǵanda senbi jáne jeksenbi kúni jumys jasaýyna tyıym salynady», - delingen bas sanıtar dárigerdiń qaýlysynda.