Atyraý qalalyq ákimdigi baspasóz qyzmetiniń aqparatyna qaraǵanda, ystyq sý berýdi toqtatý kúrdeli jóndeý kestesine baılanysty bolyp otyr.
«Atyraý qalasyndaǵy barlyq jylý pýnktinen ystyq sý berý 12-23 qyrkúıek aralyǵynda tolyq toqtatyldy. Shahar aýmaǵyndaǵy magıstraldyq jylý jelilerinde kúrdeli jóndeý jumystaryn júrgizilýine baılanysty osyndaı sheshim qabyldandy. Al, 27-29 qyrkúıek aralyǵynda magıstraldy jylý jelilerine joǵary qysymmen synaq júrgiziledi. Osyǵan baılanysty jazataıym oqıǵalardy boldyrmaý úshin synaq kezeńinde magıstraldyq qubyrlarǵa jaqyndamaýdy, jylý jelileri ýchaskelerin tekserip júrgen qyzmetkerlerdiń nusqaýlaryn oryndaýdy suraımyz», -dep málim etti qalalyq ákimdiktiń baspasóz qyzmetinen.
Sondaı-aq, búgin, 12 qyrkúıekte Atyraý qalasynyń birneshe kóshesindegi turǵyn úılerge jaryq berý toqtatyldy.
Buǵan Atyraý-Jaryq» AQ-nyń elektr jelisinde jospardan tys jóndeý jumystaryn qaýipsiz júrgizýi sebep bolǵan.
Máselen, Avangard-3 shaǵyn aýdanyndaǵy 8 kópqabatty turǵyn úıge jaryq saǵat 10:00-16:00 aralyǵynda berilmeıdi. Al, Kaspıı shaǵyn aýdany men 10-nan astam kóshedegi turǵyn úılerge jaryq berý keshki saǵat 17:00-ge deıin toqtatyldy. Sondaı-aq, 36 kóshedegi turǵyn úı ıeleri keshki saǵat 18:00-ge deıin jaryqsyz otyrady.
Eske sala ketelik, budan buryn Atyraýda jolaýshy tasymaldaý shyǵynyn sýbsıdııalaý usynylǵanyn jazǵan bolatynbyz.