Atyraýda 22 kóshedegi turǵyn úıler birneshe kúnge ystyq sýdan ajyratylady

ATYRAÝ. QazAqpara – Atyraýda 122 turǵyn úıde úsh kún ystyq sý bolmaıdy, dep habarlaıdy QazAqparat tilshisi.

Atyraý oblysynyń energetıkalyq kesheni baspasóz qyzmetiniń málimetinshe, munaıly shahardyń 22 kóshesindegi turǵyn úılerge ystyq berý ýaqytsha toqtatylady. Turǵyndar 29 maýsymnan 1 shildege deıin ystyq sýsyz otyrady.

«Ystyq sý berýdi ýaqytsha toqtatý «Atyraý jylý júıeleri» AQ-nyń 3 jylý berý pýnktindegi jabdyqtarǵa tekserý jáne jóndeý júrgizýine baılanysty týyndap otyr. Osyǵan baılanysty 26 maýsym -1 shilde aralyǵynda Atyraý qalasyndaǵy 22 kóshede ornalasqan turǵyn úılerge ystyq sý berilmeıdi.

Máselen, L.Lı atyndaǵy №5 jylý pýnktinen M.Áýezov, S.Muqanov, Sývorov, M.Mámetova, Sháripov, Shamın, Bımaǵanov, Sáýirǵalıev, Vatýtın, Chernıahovskaıa, N.Ońdasynov, Volgogradskaıa, Sevastopolskaıa, Odesskaıa, al, «Ortalyq-B» jylý pýnktinen Mahambet, B.Momyshuly, Abaı, G.Kantsev, Sh.Ýálıhanov, al Amanshın jylý pýnktine qaraıtyn B.Amanshın, Ǵ.Ábdirahmanov, S.Beıbarys kóshelerindegi turǵyn úılerde ystyq sý bolmaıtynyn qaperge beremiz», - dep habarlady energetıkalyq keshenniń baspasóz qyzmetinen.

Belgili bolǵandaı, atalǵan kóshelerde ystyq sý berilmeıtin turǵyn úılerdiń sany – 122. Onyń ishinde kópqabatty jáne jeke ıeliktegi turǵyn úıler bar.

«Ystyq sý berýdi 26 maýsymda toqtatý josparlanǵan edi. Qurban aıt meıramynyń alǵashqy kúnindegi demalysqa baılanysty ystyq sýdy ýaqytsha toqtatý 29 maýsymǵa aýystyryldy», - dep málim etti keshenniń baspasóz qyzmetinen.

Eske sala ketelik, budan buryn Atyraýdaǵy shaǵynaýdandardyń birinde eki apta ystyq sý bolmaıtynyn habarlaǵan edik.