Atyraýda 200-ge jýyq kópqabatty úıge áli jylý berilgen joq

ATYRAÝ. QazAqparat – Atyraý qalasynda 15 qazanda turǵyn úılerge jylý berý bastaldy. Alaıda, 200-ge jýyq kópqabatty turǵyn úıge jylý berilgen joq, dep habarlaıdy QazAqparat.

«Atyraý jylý jelileri» AQ vıtse-prezıdenti Álibek Temirǵalıevtyń aıtýynsha, osy kezge deıin oblys ortalyǵynda balanstaǵy 1 019 kóppáterli úıdiń 764-i jylýǵa qosylǵan.

«Atyraýda jylytý maýsymy 15 qazanda bastalady. Biraq, jylý berý 10 qazanda bastaldy. Kópqabatty turǵyn úılerdi jylýǵa qosý úshin PIK-tiń jazbasha ótinishi qajet. Alaıda, qaladaǵy birneshe PIK ǵana úılerdi jylý berý qajetti týraly habarlady. Senbi kúni bizdiń qyzmetkerler jylý berý krandaryn ashýǵa daıyn boldy. Biraq, keıbir PIK buǵan daıyn emes ekeni belgili boldy. «Nursaıa»-3, «Nursaıa»-4 shaǵyn aýdandaryndaǵy birneshe úıdi jylýǵa qosýǵa múmkindik týdy. Onda PIK ókilderi óz adamdaryn birlesip jumys isteý úshin bóldi. Óıtkeni, olar úıdiń barlyq turǵyndary jylýdy qabyldaýǵa daıyn ba, qubyrlardy, jylytý radıatorlaryn aýystyrý jumystary qaıda júrgizilip jatqanyn biledi. Jeksenbide «Radıo úıi» shaǵyn aýdanyndaǵy turǵyn úılerge jylý berildi», -dedi Álibek Temirǵalıev.

Onyń aıtýynsha, turǵyn úılerdi jylýǵa qosý dúısenbide jalǵasady. Túnde Atyraýda temperatýra +2 gradýsqa deıin tómendeıdi.

Jergilikti bılik organdarymen kelise otyryp, jylýdy qosý úsh kún boıy temperatýra +8 gradýs nemese odan tómen bolǵan kezde júrgiziledi.

Eske sala ketelik, budan buryn Atyraýda jylý berý maýsymy 15 qazanda bastalatynyn habarlaǵan edik.